ҚР Президенті Қасым-Жомарт Тоқаев Қазақстанда көптеген дәрі-дәрмектер мен медициналық бұйымдарды өндіруді жолға қоятын уақыт келгенін мәлімдеді, деп хабарлады Ақорданың баспасөз қызметі.
"Қазақстанда көптеген дәрі-дәрмектер мен медициналық бұйымдарды өндіруді жолға қоятын уақыт жетті. Біз қай уақытқа дейін импорттық дәрілерге тәуелді боламыз? Біздің намысымыз қайда? ", - деді Тоқаев жұма күні үкіметтің кеңейтілген отырысында.
Бұл ұлттық қауіпсіздік мәселесі екенін ескерсек, мемлекеттік органдардың алдына дәрі-дәрмектер мен медициналық бұйымдардың қажетті резервін құру міндеті қойылды.
Сондай-ақ, Президент сыбайлас жемқорлыққа қарсы іс-қимыл агенттігінің төрағасы Алик Шпекбаевқа «СК-Фармация» ұйымының қызметін сыбайлас жемқорлық тәуекелдеріне тексеруді тапсырды.
Сонымен қатар, Тоқаев барлық өңірлерді дәрі-дәрмекпен шұғыл қамтамасыз етуді және пандемия кезінде медициналық препараттардың жетіспеушілігінен табыс табуға шешім қабылдаған адамдарды қатаң жауапкершілікке тартуды талап етті.